不可思議既紙上動畫~!!

阿呆電玩場~ 英雄不再 精彩短片

阿呆電玩場~戰國BASARA2：英雄外傳- 戰鬥同新系統影片

阿呆電玩場~ 任天堂明星大亂鬥

阿呆blog上小玩意~ 應援團為阿呆加加油~!!

參觀了四眼溫妮莎的網址...發現一個有趣既點子...就等阿呆介紹下

四眼溫妮莎的網址 :http://hk.myblog.yahoo.com/cva552

是一個簡單又有趣的紙藝教材...!! 大家只需上載一幅簡單的圖片 (支援GIF, JPEG, PNG...size　500KB左右) 圖像要簡單一點啊...太困難就弄得不太漂亮~!!

網址 : http://www.madin.jp/1024-3d/index.html

1) 按瀏覽選圖片後再按生成

2) 過了十秒左右...就會見到一個adobe file...按下打開

3)如圖示指引...小心摺合即成~!! (最好選用卡紙制作)

另外還有簡單一點我制作...是簡單的圖片...不過都很有趣

http://www.madin.jp/ouen/

都是按瀏覽選圖片...不過之後按應援xxx

如此一幅1024人山人海既應援團就會組合出你所選的圖案...!!

呵~呵~給阿呆打打氣啊~!!

阿呆電玩場 ~ Wii 超執刀 <<新血>> 人物介紹 & 遊戲畫面

阿呆電玩場 ~ 同馬里奧 & 超音鼠一起參加北京奧運

又是一隻party game~!! 應該都幾熱鬧開心下~!!

(CM)蒼井優 北川景子 吹石一恵 土屋アンナ DOCOMO 2.0廣告...!! 日本手機都有體感遊戲!!

呵~個廣告唔係睇靚女~!! 係睇下日本手機都有體感個下厲害~!!

阿呆電玩場 - Wii Music 自己來個交響情人夢!!

4個大男人示範都好攪笑~!!

阿呆記事 ~ 不日放映~!!

阿呆這陣子...少了在這個陣地寫寫字...!! 實情就不是躲躲懶...!!
而是...積極進行另一個計劃~!!
咳~咳~ (清清把聲先~!!)
阿呆決定將此blog 定位為玩樂分享區...即是電玩..足球...blog上玩意等等有趣既點子...
都會在此介紹~!! (車~ 一向你都攪緊呢d野架啦~!!)
咁...阿呆這陣子...就忙於攪d小動作...
即是努力儲稿中......?!!
吓~!! 即是... 阿呆努力攪緊另一個blog...!!
呢個blog...呢個點子...其實都是拜天白兄所激發...!!
咁...認識我倆既人...都知我想攪咩架啦...!! ( 真是隱晦...!!)
哈~因為...實情是想到很大...!! (比人話我好有大志...!! 其實想就無敵...做就有心冇力啦...!!)
單刀兄...希望你猜到我為什麼問你借軟件...
事情初步進行得很愉快... 比個喻...我感覺自己又升level了 (打得RPG太多)
個心仲"紅"緊~!! 不過距離終極目標就仲有一段路...!! (因為一切既技術..我都係唔認識既~!!)
就是咁先有趣... 我既新blog就以此記事...哈哈~!!
總結一下...就是不日放映...不過都快~!!

阿呆blog上旅遊 ~ 恕我膚淺...我真的不懂~!! 網站選舉最難的21個漢字~!!

今日阿呆空閒時睇了一段有趣既新聞~!! 值得同大家分享

-- 網站選舉「最難漢字」 21個生字候選 ...?!
是一個英文網站「Hardest Chinese Ever」發起評選的

網頁 :

http://recordcup.com/ranking/287/hardest_chinese_ever.html



阿呆去了投票...這個網頁都有為每一個鬼劃符既漢字加上一個英文的解釋...!!
都算係啦~!!

而這個網頁選了21個字供網友投票，其中解「驅魔」的<見表第一個>字，
暫時得票最多。
在眾多生字中，<見表第二個字> 一字被使用至今，是陝西一種特色麵食，
普通話讀「biang」第二聲，關於其來歷則有多種民間流傳版本，其中之一是秦始皇有一日吃厭了山珍海味，太監到街上買了這碗平民小吃，反令他胃口大開，他覺得既然已成為「御用」食物，再也不能令平民如此輕易吃到，就御賜一個字形複雜的名，有意令平民難以寫出此字。關於此字的寫法，亦有口訣可記﹕「一點一橫長，言字當中梁，兩邊水裊裊，中間一匹馬在扛；東邊長，西邊長，心作底，月搭牆，關公出來踢一腳，婆婆出來戳一刀，一個小孩飛上牆。」(阿呆之前就睇過有關這個字的新聞~!!)

中文字真是深奧~!! 原來根據漢字學專家、中文大學中國語言及文學系語文導師張錦少說， 至今無正式統計共有多少漢字，國內較通行的大型字典《漢語大字典》收錄5.4萬字，《中華字海》更達8.5萬個。根據中大人類認知跨科比較研究室的「現代漢語常用字頻率統計」，80至90年代兩岸三地常用漢字約有4600至4900個。而內地、台灣 和新加坡 的中文教育政策，均建議小學階段學習3000個常用字，本港前教育署編製的《常用字字形表》則收字共4759個，綜觀中小學生所識的漢字約應有3000至4500個。他說，《漢語大字典》是較通行、解釋較詳盡及收字較多的大型字典，又推薦台灣教育部的網上版《異體字字典》，網址為︰140.111.1.40/main.htm。

浸會大學 中文系系主任周國正也表示，雖然世上有6萬至8萬漢字，但多為不常用的，「好多字，除了在字典之外，你一生都不會遇到」。他說，一般人至中學畢業時雖僅認識3000多個漢字，但已夠看懂一般書刊98%內容。周國正說，中文需要不同詞語組合表達，故學懂字，不代表中文運用能力高，懂得造詞才是重要。他說︰「例如『素服』一詞，並非指樸實的服裝，而是指孝服。我們不可以只憑字，就解釋其意思。」又說，有些字是以前王帝的名字，其臣民不能用，有些艱深的字則來自樂譜，在歲月流逝下，均已流失於日常生活。

節錄明報記者 林迎 曾媚 彭碧珊報導

阿呆電玩場 ~ Wii Fit 畫面新公開 !!

Wii Fit 又有新畫面囉...!! 阿呆期待中...!! 要減肥了~!!

阿呆blog上旅遊 ~ 尋回一點童真的剪影藝術~!!

網頁:
http://www.geocities.jp/paraparanimation/

開估囉~昨日推介的是一個動態剪影的小網頁...!!
雖然簡單...但效果卻很美...!!
什麼是動態剪影...? 啊...小時候有沒有在書頁下的一角,
畫下一個接一個...一頁接一頁的公仔....?
當你快速地將書本由頭到尾翻動一下... 公仔就會如黑白電影般動起來...!!

這個小網頁就提供了9款剪影給玩家選擇(我覺得太少了~!!)
大家只需選擇剪影左右擺放的方向 (將mouse擺在 1 or 2 附近）
再按下mouse...設定自己的printer就成囉...!!
啊~!!不要忘了設定要列印的紙張數目...!! (預設是30張...一個剪影動作需要10張紙完成)

阿呆blog上旅遊 ~ 值得推介的兩個網頁

一來就是IQ題~ 上圖的剪影有什麼用處...?? 如何
結合同發揮就做出令人覺得精緻的視覺藝術...??

賣個關子先...先介紹阿呆最近參觀了一個滿有意思
的網頁~!!

網頁地址 :

http://i.yimg.jp/i/evt/award2006/works/thema/ecoego/index.html

說來已經是2006年度日本Yahoo創意網頁的得獎作品之一...!!

內容是一個有關環保的小遊戲~!!

值得令人深思的地方... 是如果你一味刻意去作環保的動作...

原來都會好快就死掉...?! 點解呢... ? 不是夠環保就可以了嗎....

但...因為你已經同世界脫節了...你根本就無可能生存下去...

咁要點樣先可以既能推行環保...又可以保住自己既命根呢...!!

我想呢個先係現今世界對面既困難...!!

科技與自然生態如何先有一個平衡...? 就是大家值得深思的問題

阿呆blog上小玩意 ~ 完全燃燒~!! 大家一齊戰鬥吧 ?! Blog Battler~!! 戰鬥篇

今日談談戰鬥的方法~!!

找戰鬥的對手...除了在其他blog上遇見...仲有其他的方法...!!

就是在blog battler 的主頁去找對手

登入其主頁 login menu 由左至右有4個選項~!!

分別是 : 1) 交戰的紀錄 2) 自己的人物語法 3) 網上對手的資料

4) login out

當然...找對手就可以從 1) & 3) 去挑選~!!

1)是過往交戰我紀錄...大家可自由選對手再交戰

3) 就有幾項選項~!!

a) today's battler 的對手 age 都較大...不合新手( 如我~!!) 交戰

b) new battlers 就是新手修行的好地方

其餘的選項只是數據上的紀錄...沒有什麼特別!!

大家一按 對手的 " push fight!" 字樣就會進入戰鬥~!!

戰鬥選單十分簡單 : 由上至下

1) 物理攻擊 2) 魔法 3) 特技 ( 會在每場戰鬥補充 ) 4) 自己的資料

當選完上述選項...下方就會有一個三角形...請按下令戰鬥開始~!!

由於你不知道對方的屬性...所以便要在戰鬥中多點運用不同的攻擊...

盡快找出對方屬性上的缺點加以打擊..就能戰勝~!!

最後就昇級的問題... 我想應該同rss有關...即是如水滴一樣多寫文...

有助角色成長...!! 而裝備都會有所不同 ~!!

( 上圖人物有些只是某blog上產品宣傳的特別做型~!!)

阿呆blog上小玩意 ~ 完全燃燒~!! 大家一齊戰鬥吧 ?! Blog Battler~!! 登記篇

網頁 : http://blogbattler.com/

一隻好玩性非常高的blog上遊戲... 大家快加入一起...戰吧~!!

(可以在留言板留下 你的blog 的地址...我就會搵你的blog battler 大戰一場)

1) 登記方法十分簡單...在網頁先選登記(registration)

填上你的電郵...

2) check 電郵...有登錄通知..如圖有一條登入的url

3) 選下方"同意" ...加入戰團...!!

4) 你要填上登入的密碼 同 想連上我網頁url

5) 網頁會自動選擇RSS...!! 是否可以育成自己的角色~?!

再一步選"作成" 就會進入角色選單

5) 有5種角色選擇~ !! 能力數值各有不同~!!

由上至下 ( 生命值 ...魔法值...攻擊力...防禦力...

速度...同屬性 )

6) 再來是替角色改上名字 同 留言 ( 可惜不支援漢字 !! )

( 登記最簡單就是上我個blog 找上門向我宣戰 ~!! 我都是剛起步...

大家多多指教~!! )

阿呆blog上小玩意 ~ 加油猴跳table dance ?!

呵~當然不是什麼table dance...而是加油猴可以搬到電腦桌面連續佢既勁舞?!

網頁 : http://www.d-a-w.jp/oemon/index.html

1) 按上圖所顯示"無料出張xxx"的方格

2) 出現另存檔案的畫面...放心下載吧?!

3) 將檔案解壓後...打開一個名為 : "oemon"的文件夾

進行安裝... 指示可能因為日文而亂碼...但只要如上圖

指引...就能完成~!!

4) 桌面多了一個猴子既按鈕~快按下~!!

5) 猴子就會不停為你加油...!! 呵~!! 按mouse右按鈕可以

叫出選單進行設定... 要留意猴子只有3日命~!! 真古怪的設定...?!

牠會一日老過一日...頭毛會禿掉..?!

如此...大家可以在選單選第一項...(見下圖)

打一些文字(英文)後 令牠復活(按復活)......

用mouse可將猴子移去想到的地方為你加油~!!

阿呆blog上小玩意 ~ 替自己加加油既猴子?!

阿呆重慶歸來~!! 日日趕緊執相同打報告...真是一頭煙...!!
如此怨念纏身...真係要搵人幫我打打氣...?!
今天就搵來這隻幫自己打氣既應援猴子?!

網頁 : http://www.digianaware.com/oemon/blogparts/index.html

登用方法十分簡單 ~

1) 同 2) 是選擇打氣的動作同背景

3) 就是選擇得來的畫面

4) 按 ok 就會出現語法....但

5) 你可以加上個人blog的 RSS ...如此打氣猴就會說出blog中的文字

6) 就是語法啦~!!

p.s 打氣猴還有更厲害既玩法~明天再談~!!

阿呆電玩場 ~ Wii Winning 未出先學操控先~!!

幾時出呢~!! 超期待~!!

阿呆blog上小玩意 ~ 修心養性養缸魚

好耐冇睇下日本有咩blog上既小玩意...

今日去八下...又有個幾有趣既魚缸仔喎~!!

阿呆母親大人有句名言 :

會食會痾既...屋企除左養人之外...咩野都唔比養...!!

天!!~ 阿呆自少愛心滿載...又貓...又魚...又雀...甚至甲蟲都....都.....想養...偏偏我就是我比人養個位小朋友...家下雖然昇格為家中一個房客... 但呢條禁令...都好難破除...哀哉~!!

入返正題 : 小魚缸既網頁為

http://www.aqua-museum.net/

1)<<-擊下面有日文既框框

就會去到選項呢一頁...將想

飼魚仔同裝飾拉入左邊個魚

缸就得架啦

2)<<--有個預覽既畫面...

可以按閉xx將它關掉..!!

3)<<--期待語法就會出來...

簡單地copy & paste...

貼上自己個blog...!! 完成...!!

4)<<-- 仲可以係個魚缸點擊

下個mouse去引 d魚仔

5)<<-- 仲可以按feed個格仔

餵魚仔呢~!!

呵~今次阿呆母親大人都冇野講啦~!!

細哨新廣告...用腳打籃球...堅定流...?!

將你自己Simpson化~!!

剛從重慶工幹回來...check下d e-mail...

發現阿妹send了一d圖片給我...但造型咁鬼熟口臉既...!?

原來係Simpson既公仔...而且係可以將自己個樣Simpson化啊...又真係幾有趣喎~!!

似唔似...阿呆啊...? 又真係見仁見智...!! 但求得意啦...!

http://www.simpsonizeme.com/index.php#

方法好鬼簡單..將自己既肉照upload上呢個網度...!!(注意 size 同圖片格式)

再選擇自己喜愛既選項即成...有興趣可以try下...!!

(唔介意貼出來大家分享下)

(有d比較騎尼既造型..阿妹想點呢.....?!)

(嘩...搵你錢既當然係可以制成T-shirt...Cap等產品啦~!!)

Pepsi 中國既新廣告~!! 哈哈~

留意門口既符號~睇到尾就知點解~!!

大大期待~銀河馬里奧~!!

Wii 大作銀河馬里奧出左官方網址啦~!! 大量展出遊戲畫面 & 操作方法...!!

網址：http://www.nintendo.co.jp/wii/rmgj/index.html

大大期待中.... 兩人協力既玩法...?!

曼聯 1-0 羅馬

羅馬終於完成魔鬼賽程 :

2-2 和了租記 2-2 和了費倫 1-4 輸比國米 0-1 輸比曼聯

爆露左羅馬後防既弱點...睇黎史巴利提都是執下佢啦~!!

利記 0-1 馬賽~!!

唉~!! 利記又再失利...聯賽 同 歐聯 都表演一般...!!

唉~!! 留學生既一點荒唐事~!!

早日聽友人講起一d 留學生既荒唐事...全都是反面既教材... 大家睇完都唔好學...!!

留學外國交流...!! 是體驗外地生活同交流文化既好機會...但原來人在外地...唔知係唔係太自由...唔需要受香港既壓力...做d野出來都唔負責任...

話說外國既超級市場或d流行時裝店比較照顧客人既感受...一來地方太大...二來當地人打工都比較單純...三來佢地比較相信客人會自律~!! 點知有d來自香港既留學生...佢地有d咁既行為...!!

1) 大搖大擺...將係時裝店既飾物甚至衣服...穿上身就行出去... 一分錢都唔比 ( 外地d防盜好差...唔係大城市基本係冇~!!)

2) 去超市買野...見到d買一送一既貨品...掃一輪貨...點解...原來當地超市可以任憑收據自由退錢...!! (咁買一送一既貨品...你將贈送回來既貨品攞去退...人地又真係比返錢比你...!!變相買野免費~!!) 佢地只是睇下張收據就算...!!

3) 是旦攞過張價錢條碼...去同另一件較貴既貨品交換...又可以比少d過關...!! (天...同收款員地真係機械人式作業...唔會check下...!!)

我聽見都呆晒...有冇咁簡單...但又覺得呢d行為好過份...而且上得山多終遇虎...人地點都會有check倉既一日...如果人人都係咁做法...最終會提高人地既警戒心...!! 而且留學生點都代表香港..甚至中國人既身份...佢地做d咁既事...只是出於貪一時之快...如果真係比人捉了...點都會另人覺得中國人太唔自律...說得白點...就是影衰晒中國人...!!

唉~我都唔明呢d係咩心態...友人話有同人偷到成為病態...咁又係唔係一句香港教育既錯...香港壓力太大既錯... 真是不知所謂!!

羅馬10人不敵國米~!!

唉~連場大戰..終於拖垮了羅馬~!!

Yo~ 原來你叫悠嘻猴~!!

近期係msn大hit大人氣既...除左來自台灣既洋蔥頭..

仲有一對表情多多...得意抵死既可愛Monkey同佢一班朋友 ( 原來佢有一班朋友架!!)

仲未估到佢地係邊個....就係...

Yoyo & Cici 囉!! (原來有個英文名!!) 呢個攪笑既集團叫悠嘻猴...!!

來自中國既多媒體創作...!! (真不得了~!! 香港幾時有自己既msn公仔代表呢...??)

官網 : http://www.yoyocici.com/download/head.aspx

呢個猴子樂園十分值得參觀下架...仲有許多得意野免費下載~!!

Dragon Blade: Wrath of Fire《龍之刃：巨龍的怒火》精彩遊戲畫面~!!

可以係blog上交談既小工具 MiniLife

阿呆剛在這天發現了呢個好簡單既blog上交談小工具 MiniLife~!!
網址 : http://minilife.jp/


Step by Step 介紹比大家運用啦~!!




比較方便既做法是運用
網址上提供既語法...


即貼即用...!!







貼好之後...大家會見到我既blog上多了一行叫BlogLife既bar...咁大家打上想講既語句..按一下Talk就會係個公仔上顯示出來...!!

如果有多幾位朋友到訪..就會有唔同既公仔...佢地都可以透過BlogLife既 Bar同你通話~!!

好方便呢~!!





( 下一part有較深既設定...!! NEXT TIME再談~!!)

托廸缺陣無損攻力...惜又是完場先比人追平

連續兩場都係臨完場先比人追平...
羅馬既後防認真要執執佢...!!
文仙尼係狀態都係好事...!! 佢第一球超靚~!!

一個男人既比喻~!!

上星期x...巧合地睇了一篇網誌既文章...覺得幾有味道...希望同朋友分享:

文章中筆者以白飯自喻...感慨自己身邊冇一位知心既伴侶...!!

一碗白飯雖然可以飽肚...讓人有溫暖既感覺...

但如果可以選...人們就喜愛抄飯...石頭飯...煲仔飯 or 咖喱飯...

白飯味淡平實...但人總愛多一點花巧..味道 同 享受...!!

白飯雖是主菜...但人偏愛卻是醬汁...配料 同 配襯...!!

筆者哀白飯似個踏實人...惜自己沒有人願意看真...

還望世間能遇見一位愛白飯既人...!!

怎麼樣...? 我睇了幾遍...都替筆者有點不值...

白飯唔好咩...? 冇白飯就冇咁多花款同配襯...

倒是友人一句說話來得有點啟發...

白飯係好都要當自強...係女仔面前...你係點好法都要sell下架啦...!!

唔係一舊飯就可以等人要囉...!!

又好似有d道理喎...!! 想搵返個blog 留下言...可惜搵唔返...!!

不過點都好...

白飯遇見好食客...何不提升自己多點點...

那怕是碗豬油撈飯...?

先吸引人...才有機會讓人一嚐飯香呀...!!

托尼斯連中三元~當然要紀念下~!!

YEAH~!! 托尼斯咁快就大演帽子戲法囉~!! 阿呆從不懷疑此子既入球能力...只係估唔到佢有咁快既適應力啫...!! 真抵讚~!!

賓Sir 係唔係有個咁fit既箭頭都要行車輪制呢...?!

香港都有動畫廣告~!! 叫人懷念既保濟丸廣告~!!

友人叫我唔好咁崇日...香港其實都有制作不少動畫廣告...!!
傾談中...保濟丸廣告原來都幾受歡迎...!!
一於搵出來...做個集體回憶先...!! (不過佢有幾多輯就唔係太清楚囉~!! )

科幻大師大友克洋 + 宇多田光 = 什麼 ...??

科幻動畫大師大友克洋制作既動畫 + 宇多田光作曲作詞會是咩野既大制作...? 原來是一輯輯為日清Cup Needle 制作既廣告...由2006年4月25日至2007年9月14日暫共7輯既廣告...題材由太空探險至地球危機...!! 制作十分高水準 !!

日本動畫本身在日本當地是極受重視既文化財產...由動畫推廣商品都是司空見慣既事...!!

香港既動畫要加把勁啊~!!

( 不過...此輯廣告無論係什麼時候都要拿住個柸麵就真係有點那個......)

官網 : http://www.nissinfoods.co.jp/product/cm/

精彩既閃電11人~!!

Level5 既閃電11人遊戲畫面十分正~!! 但足球遊戲講求既是爽快既感覺...!! 希望自己有機會玩上手時...隻game既操控唔會令我失望囉...!!

我有點攪不懂...

最近...香港的新聞都環繞住一d青少年既問題...好似11個中學生充咩野打手..最細個位竟得14歲...又有一d未成年既未婚媽媽...不過數最震撼...是我同朋友既一次談話...得知家下青少年可以自我放縱到如斯情況....

話說友人既朋友既朋友(A小姐)上年曾在某工業學院當實習老師...!! 她本身都是香港地道成長既女仔...都有咁上下既見識 (即是會自保~!! 我慶辛佢有咁既膽子~!! ) 而A小姐獲派住中一某班任教...

不幸既事...好快發生...當然回想起來...一眾既學生根本就係唔怕 ( 但佢地咩心態呢...我真係攪不懂...) 當然更加唔會知咩野叫尊師重道!! 話說A小姐有一日在課室中教學 ...竟然見到班中一位男生當眾露械...?!更離譜到連底褲都脫掉就站了起來...( 那間學校是男女校... ) 只是中一既學生...他知不知道什麼叫尊重自己同尊重別人...?! 佢咁既行為有咩意思...?? 一眾學生隨之而起...什麼難堪...不雅既用字此起彼落..有D係衝著A小姐而發...有D竟然係向班中既女生既挑引...!! A小姐勝在不是怕事既人...佢終鼓起勇氣...叫該男生穿回褲子....(當然又邊有咁容易受理... ) 最後...A小姐一句: 你愛咁樣就"咁樣"走出走廊去罸企...!! 此事之後...A小姐成為該班學生既玩弄對像...有人KEY佢既樣落色情片既女角上...不斷用不雅既用字去挑引佢等等.....

不過最叫A小姐難接受是學校既一項新規定...全校既廁所都上了鎖...不能隨便就去...
原因是什麼...? 原來該校某男女生曾因一句互相挑引既說話... ( 唔敢呀...怕你呀... ) 就真係走左去廁所胡亂發生了關係...!! 該女生更因此而懷孕...!!

A小姐最終捱過這段實習...但再冇勇氣去任教....!!

我聽後真是唔明白...現在青少年既道德觀念有幾重...這是那兒出既錯...?

我有點攪不懂...

一個動物園既網址都可以設計得咁好~!!

http://www.city.sapporo.jp/zoo/index.html

有時~我都好佩服同欣賞日本人係包裝上既執著...!!
今日隨便去到一個係札幌市円山動物園既網址...!!
見到佢有繁..簡體既中文...英文 同 韓文既語言介紹, 已經覺得呢個動物園一D都唔馬虎...仲真係有心想推廣比日本之外既旅客...比人既印象真係唔錯...!!

不過其實最初可以令我留意呢個網址..其實是源於佢地一個小小既 Blog設置 ( 已貼係右面 )...是一個叫 Blog monkey 既小玩意...(呢個小玩意可以裝置係個blog度... 係3個選項中隨意選一個...隻monkey就會跳出個框框....你用mouse按下隻monkey就有唔同既效果~!!)

近掛blog既興起...係blog上宣傳自己既商品已經日漸流行...係日本人手中更加係出神入化啦...!!
(有機會都搵多d有趣既同大家分享下~!!)
唔知幾時會有d香港既商品...會利用到blog上宣傳呢...?

托廸連建兩功!! 羅馬比祖記迫和..!!

意甲既第4週...羅馬终失波兼失分...比祖記在完場前迫和2-2...!!

可喜既是托廸今季初保持狀態大勇...今仗獨建兩功...!!

Yahoo 知識奇人...?!

咩野係Yahoo 知識奇人(膠人)..?
呢個紅人近排係各大論壇都有鋪過佢既問題... !!
大家無聊時睇下都會覺得佢好好笑...!! (幾黑色幽默架?! 有創意,我鐘意!!)
點可以構思咁多咁反智既問題架...!! 哈哈~

http://hk.knowledge.yahoo.com/my/profile?show=HA00077543&cp=9&tp=19

1) 我去九龍城行行下街,突然比人黃袍加身,係咪話我係天命所歸繼承九龍皇帝之位既真命天子?

2) 我買左隻日文教學光碟睇，但係入面踭係得個女人o係度叫「啊啊啊啊～～呵呵～啊啊啊
啊」。咁其實日語發音係咪淨係得呢兩個音?

3) 西門子公司係咪以門中添一西作為標誌?

4) 電視劇《C奶兵團》會否開拍續集？如有的話係唔係叫《D奶兵團》？

5) 陳法拉此惹火尤物屬於第幾類危險品?

6) 數碼暴龍係侏羅紀定白堊紀?

7) 我去買翻版碟,點知番屋企先發現佢比左隻正版碟我,算唔算詐騙

8) 日本是亞洲人均壽命最高的國家,同時日本自殺率亦係全球最高,係咪D人嫌命長?

9) 我去荼餐廳叫紅豆冰,凍飲要加兩蚊,所以我要熱飲,但係佢話紅豆冰冇熱飲一定要凍飲,間野係咪昆我錢?我可唔可以向消委會投訴?

10) 我有一日唔小心用手掂到自己下體,咁我可唔可以告自己非禮?

11) 健康飲食金字塔是由哪位法老王所建?工程歷時多少年?

12) 我隻貓信左佛教之後一直唔肯食魚,點算?

13) 買左粒BT種子番屋企種，要點種同埋要種幾耐先至開花?

14) 意大利政府於九十年代花巨資以扶正比薩斜塔，為何不直接找托塔天王李靖來把塔推正?

15) 威而鋼係邊間鋼鐵公司所出產o既鋼鐵品牌?

仲有d咸咸趣趣既都係唔post咁多啦...
總之我好佩服此兄弟既想像力同觀察力既~!!

日本人十分有創意既廣告~哈哈~!!

很有趣的廣告創意~!! 大家唔好怕核突啊~!! "吉"下右面個大叔個"鑼友"一下，被你的"吉""鑼友"既大叔會一邊喊痛一邊奔走，接著穿越一.兩個也有放置1-click Award既Blog，跟手經過有人跑步中的公園或工事中的工地...

最後回到1-click Award網站!!

你會大喊 : 吓...原來如此...!!

大家有興趣可以跟住去貼下：http://www.1-click.jp/c8.html

鬼故逐個拍...?!

最近上網見到一個幾得意既點子...!!

就係Yahoo! Video ! 既鬼故逐個拍...!!
我同友人就呢個點子吹下水...!!

我 : 雅虎攪左個唔知咩野鬼...鬼故逐個拍...有D睇頭喎...!!

友人 : 等我睇過...車~ 都冇野睇既...叫人去拍...你估真係拍到D野出黎咩...!!

我 : 唔係吖...攪到成個怪談咁...OK喎!! ..最緊要拍個D人夠投入...睇個D人識幻想啫...!!

友人 : 邊得咁多恐怖校園喇...不過話時話我細個間小學.......

我 :吓.....我個間都有傳過D咁既野喎...!! 咪就係......

最後...就成了一個鬼故交流大會...!!

話返轉頭...暫時又睇唔到D參賽者既驚駭大作喎...唔知幾時先有呢...?!

( 哈哈...記得幾年前...同班後生仔學用電腦剪片時...個陣時...我地需要拍一套片先...就係個間學校拍了一套鬼片...叫"一粒飯"..講真...個時要係晚上拍攝...大家投入起來...又覺得間學校空曠得來都幾心寒!! )

挑戰NDS 畫面極限之作《ASH - Archaic Sealed Heat》

NDS既畫面同創意可以去到幾盡...?? 當大家玩過Square Enix既種種大作...可能已經好滿意...

但10月4日既大作《ASH - Archaic Sealed Heat》又會否令大家更有驚喜...?? 坂口博信為此作既制作總指揮...相信不會令大家失望...!! 坂口博信係邊個...? ( 呵呵~個樣似馬里奧叔叔...又有幾分似黃玉郎既日本當紅遊戲制作人囉...!!)

官網 : http://www.nintendo.co.jp/ds/yasj/index.html?link=txt

真經典廣告之二!!

寫blog 都有樣野好...就係可以9唔搭8 想起d咩野...都擺佢出來...!!

陽x檸檬荼原來造就左好多明星...呢個廣告初出街...大家留意既一定係張柏芝...

但原來仲有黃宗澤~?! 原來男明星要紅...都係要磨鍊下...有d男人味先得既...!!

真經典既廣告之一...!!

嘩~嘩~嘩~~!! School Boy Look 既 鄭伊健...!! 真真不得了...!!

1987年既陽x檸檬荼廣告...家下仲有冇既清新既廣告呢

寶島Z~ 超期待既 動作解迷GAME!!

Wii 既動作遊戲一向好少...!!

動作 + 解迷 + 有趣生動既人物設計

好期待呢隻game多d出...!!

官網: http://www.capcom.co.jp/takarajimaz/

紀念一下摩連奴~!!

好易令人誤會既照片~哈哈...!! ( 我睇見都不覺笑了出來~!! )

可惜...摩連奴咁就下車囉...!!

摩連奴對車仔有幾重要....?! 佢一手改造成架車既架構囉 ( 陣型)

將一架英超"錢七" 打做成黃金戰車...!!

無錯...佢係串左d...但又確實打破左英超由阿仙奴 & 曼聯 瓜分既局面喎...!! 佢得戚得來都有道理...!!

有人話有大老闆艾巴莫域治比錢...咩人都攪得好車仔啦...!! 我會認同一半既...

但摩連奴既成功...係改造車仔既engine...!! 佢既欲望 & 野心影響了車仔舊有球員既心理質素...!! 完全燃起佢地求勝既欲望囉...!!

林伯特同泰利兩位前車仔既核心...不是比佢打造成獨當一面既大將... 花拳秀腿既袓高爾不是比佢改造成踢法實際既後上殺手...? 如果不是摩連奴在陣..祖高爾都唔會安心坐後備囉...!!

摩連奴係車仔擔任車長前後幾年就有6個錦標...完全是交足功課有餘啦...(可惜未能替車仔一嘗歐聯冠軍既滋味...!!) 任何一個領隊教一隊波...都冇可能keep得住隊波長期係高峰既狀態...!! 這個是一個好易明白既道理...雲加既阿仙奴 同 曼聯費格遜教自己隊波都有起落...原因就是一個陣式同陣容運行得耐...儘管是一條可戰勝任何對手既方程式...但時間一久...都有比人睇穿睇破既一日...!! 艾巴莫域治如此沒有耐性...沒有時間比摩連奴再改造車仔就任意讓他離去....確實讓人可惜...!!

羅馬keep住勇態...!! 托廸又有goal啦~!!

羅馬周三憑藉佩柏路達和托迪的進球，在歐洲冠軍聯賽F組首場比賽中以2-0戰勝基輔戴拿模。
佩羅塔在第九分鐘潛入對方防線身後，接到托內托(杜里圖)的傳球後頭槌破門，托蒂則在下半場第25分鐘擺脫嚴密盯防，以一腳精準的射門奠定勝局。這是羅馬在歐洲戰場上取得的第100場勝利，也令他們在新賽季保持全勝。他們在意甲比賽中三戰三勝，上個月還在意大利超級杯中擊敗了國際米蘭。羅馬將在10月2日的下一場小組賽中對陣曼聯，這將是一場復仇之戰，因為後者曾在上賽季四分之一決賽(半準決賽)中主場7-1狂勝羅馬。

對賓sir 輪班上陣既不悅~!!

阿呆情傾利記十幾年...要講有幾鍾意...點解會欣賞利物浦..真係要講都講唔完...!!
(唔好講返"舊屎"..實在有d悶...不如就講下今年既利記...!!)

今年利記既陣容...又真係令我好期待既...!! 中前場人腳比起前幾年更加充裕...!! 直頭可以用豪華來形容呀...!! 但有時係唔係人多過頭...攪到賓sir都心大心細...又心思思成日轉下個陣型呢...? ( 佢接手咁耐都喜歡架啦...!!)

我開始對佢既輪班上陣有點不悅...!!

點解...?

因為大家留意下英超其他強隊對聯賽既態度...? 你就知架啦...!! 阿仙奴...曼聯...&車仔有冇咁大膽場場轉咁多調動先呢...? (因傷又被迫又另計啦...!!) 他們都深明季初搶分既重要性...要搶分..就要派最強..最有默契既陣容...!!

賓sir季初曾明言...要打好個頭...!! 爭奪失落左十幾年既聯賽冠軍!!
聯賽首幾輪比賽都可以忍手唔玩車輪制... 一對箭頭 托尼斯 + 古治明確同大家證明佢地係有效率同入球兼備既組合...!! 何必係對樸次茅夫時一併收起...? 賓sir應該心知英超聯有幾難打...每一支球隊都唔會咁輕易咁比3分你...( 打比郡球員都可以射入個世界波去打嬴紐卡素...!! 弱隊都會用體能同壓迫戰術去爭取佢地應得既分數... !! 何妨是實力中上既樸次茅夫...?! )

我認為賓sir想打開個聯賽...有一個固定既出場陣形才是上算...要打破對手既壓迫同體能戰術...需要既係d咩呢...就是良好既默契...走位...制造出射門既空間囉...!! 賓sir...你今年簽咁多人...又走去車輪陣...默契幾時先會有呀...? 我有時覺得利記同曼聯...阿仙奴相比...欠既唔係球員既質素...而係球員既默契囉...!! 難得托尼斯同古治已經打出默契..同中場既串連..分工都開始上晒力...? 何必又要出一堆少打聯賽既球員去打一場作客既賽事...?! 再重新打過d默契出來...?

我唔係睇少高治同禾郎連...斑拿約既實力...!! 但問題係...賓sir可以係取得優勢再派他們出來夾隊波...遠勝他們一開波就要夾過...拖累了整個利記既攻守架構...!! 更勝過要係劣勢下...換出一d正選係有限時間完成他們反敗為勝 or 和中取勝既局面囉...!! 咁對球員既士氣或多或少都有影響...!!

賓sir真係要考慮清楚...車輪制係英超行唔行得通囉

阿呆建國...!!

呵~!! 隔了一年多...阿呆又再寫blog...!! 希望建立一個吹水既王國...!!
同大家分享下我既玩樂... 生活... 感情 啦...!!
希望有緣見到既朋友多多支持...!!
擴大阿呆帝國既空間視野...!! (朕都好親民下架...希望廣交blog界朋友....!! 大家交流交流...!!)

弊~!! 老闆急call ....!!
下次再講...!!